Ti senbòl sa a popilè anpil, e nou abitye rankontre l nan prèske tout materyèl elektwonik n ap itilize chak jou yo. Se yon ikòn ki endike bouton ki pèmèt ou limen ak tenyen yon aparèy elektrik oswa elektwonik.
Anpil moun pa janm pot atansyon ak sa, men ti senbòl sa a se yon konbinezon ant yon chif 1 ak yon Zewo. Nan senbòl sila, chif 1 an la pou endike lè kouran antre pou ouvri aparèy la. Poutan, zewo a la pou koupe kouran an pou tenyen aparèy la. Pozisyon 1 an nan zewo a, se pou fè konprann menmsi aparèy la fèmen, li toujou gen ti kouran ki travèse l.
Se Komisyon elektwonik Entènasyonal la ki te kreye senbòl sa a nan lane 1973, se yon melanj yo fè ant senbòl On ak senbòl Off la.
