Premye Powetès e Premye fanm ki te envesti tan l nan literati ayisyèn nan te rele Virginie Sampeur (1839- 1919). Li te fèt nan vil Pòtoprens. Li te yon enstititris, li te pale plizyè lang e te kòmanse ekri depi nan laj 17 lane. Nan laj 23 lane li te marye ak Powèt Oswald Durand, men apre yon ti tan yo te divòse. Li te kontinye lavi l ak yon lòt e kontinye pwodwi anpil zèv literè.
Youn nan zèv powetik ki pi popilè li te ekri te gen pou tit "L'abandonée" (1876), ladan l li dekri move eksperyans li nan lanmou. Li te ekri Woman tou, youn nan pi bèl yo te gen pou tit “Angèle Dufour”, se te yon Woman ki rakonte istwa lavi l.
