Prezèvatif se yon bon mwayen pou anpeche gwosès ak anpeche yon moun pran maladi ki ka transmèt nan fè bagay. Majorite prezèvatif yo fèt ak yon sibstans ki rele latèks. Kidonk, nou dwe konsève yo yon bon kote nan bon kondisyon tankou nan yon tiwa, bifèt... anplis, evite mete prezèvatif yo kote ki fè frèt anpil (tankou nan douch), kote ki fè cho anpil ( sou fenèt, nan solèy, nan chosèt, …), kote l ka fwote ak kote ki gen limyè.
Poutan gen yon seri moun ki pran abitid konsève prezèvatif yo nan pòch yo ak bous yo ; sa moutre n aklè kòman pratik sila pa bon. Nou dwe sispann ak li, paske li lakoz prezèvatif la fwote, plise, chofe, e menm chire. Tout sa yo pral diminye efikasite l e mete w an danje.
_0.jpg)