Èske w t konnen anpil nan foto ak videyo konfidansyèl (foto seksi, foto toutouni, videyo toutouni, elatriye) ki konn rive pran lari oubyen ou konn ap wè sou group telegram yo se yon ansanm de moun ki viktim de pirataj (hacking)?
Ebyen, 2 ti aplikasyon sa yo w ap gade la a nan premye kòmantè a, yo rele yo « payload » (payload la se yon pwogram ki ki la pou eksplwate fay ki gen nan yon sistèm epi aksede a sistèm nan, pran kontwòl li), pirat la fè yo ak yon zouti pirataj ki rele « metasploit ».
-sou sit wèb kote n ap telechaje crack aplikasyon
-Yo ka pataje l pa imèl
-Yo ka pataje l sou yon gwoup telegram oubyen whatsapp
Si pa malè ou rive enstale Youn nan fòm aplikasyon sa yo sou telefòn ou, li vin pran plas yon aplikasyon ki rele « android main activity » ki te deja nan sistèm telefòn ou an e ki te prèske gen kontwòl sou telefòn a 100%
Aprè w fin enstale yon aplikasyon konsa, ou ka pa janm wè l ankò epoutan li toujou la an kachèt ( li egzekite nan aryè plan telefòn nan), e li gen aksè a prèske tout bagay sansib nan telefòn ou an ( stokaj, istorik apèl, SMS, Kamera, Mikwo,…) Lè sa a, pirat la tou gen aksè a distans ak tout bagay sa yo nan telefòn ou an. Sa ki vin pèmèt li ka pran tout foto, videyo, SMS, enfòmasyon bankè ou, ak tout lòt bagay ki entèrese l, li kapab enstale oubyen dezenstale yon aplikasyon, li ka menm fè foto w san w pa konnen oubyen ouvri mikwo w tou.
Yon lòt bagay ki fè w ka viktim pi fasil toujou se paske pirat la ka bay aplikasyon an nenpòt non li vle sa depann de kategori moun li sible a, tankou ou ka wè l rele netflix.apk si moun li sible a se fanatik sinema, li ka rele l xxxvideos.apk si moun li sible a renmen kontni pònografik.
Anplis de aplikasyon sa yo, Pirat yo konn itilize fichye pdf, txt, imaj oubyen videyo pou yo atenn sib yo.
Konsèy nou kapab ba ou, pa enstale aplikasyon ki pa soti sou playstore, pa telechaje epi ouvri pyès fichye yon enkoni voye ba ou pa imèl, whatsapp, Messenger, Telegram, elatriye. Sinon, ou ka vin youn nan viktim ou konn ap wè sou rezo yo.
