KISA KI "DEEPFAKE" LAN ?

Yon deepfake se Jeneralman yon videyo ki fèt gras ak entèlijans atifisyèl epi kèk lojisyèl enfòmatik kote yo itilize imaj ak vwa yon moun nan plas yon lòt pou fè l di yon bagay li pat di vrèman oswa fè yon aksyon l pat fè vrèman. Nan pwosesis sa a, yo ka pran tèt yon moun mete l sou kò yon lòt, kopye ak defòme mouvman bouch yon moun, epi modifye ekspresyon vizaj la...

DeepFake itil anpil nan domèn sinema a, sitou nan kèk ka tankou: lè yon aktè mouri oswa pa p ka prezan ankò. Anplis, lè yon fim ap reyalize nan plizyè lang, yo itilize deepfake pou ka akòde mouvman bouch aktè yo ak sa y ap di nan lòt lang yo.