Pou nou kominike ak moun ki bèbè yo, nou itilize lang siy yo. Pou yon moun rive konprann ak itilize l, li oblije chita aprann li. Sa vin lakoz bèbè ki pa ale lekòl oswa aprann lang sa a, pa p ka konprann li.
Nan lide pou pèmèt moun ki bèbè yo entèraji ak antouraj yo pi fasil epi pou pèmèt moun ki pa konnen lang siy yo konprann li pi byen, yon jèn Kenyan ki rele "Roy Allela" envante yon gan. Gan sa rele "Sign-IO", li ka tradui lang siy bèbè yo an odyo nan plizyè lang diferan, lapoula !
Nan chak dwèt gan sa a gen yon ti aparèy ki la pou kapte mouvman yo (siy yo). Li transmèt yo bay yon aplikasyon ki devlope pou sa sou telefòn itilizatè a gras ak yon koneksyon Bluetooth.
