Siwo myèl se yon pwodwi ki itilize anpil paske li genyen anpil byenfè sou sante e patisipe nan amelyore bote moun tou... Poutan, anpil fwa siwo myèl la toujou genyen ladan l jèm yon bakteri ki rele Clostridium Botulinum, menm si pwodiktè a ta trete l pou touye mikwòb ki ladan yo.
Se poutèt sa, depi yon timoun pako gen yon lane, nou pa dwe ba li siwo myèl la, paske kò li pako prè pou fè fas ak jèm sila, e sa pral ba li yon maladi ki rele Botilis enfantil ki se yon maladi ra men ki ka rive touye l. Maladi sa pral ba li yon seri pwoblèm tankou : konstipasyon, feblès, difikilte pou respire ak vale,...
Men, yon moun ki gen plis pase 1 lane e ki an sante, jèm sa a pap ba li okenn pwoblèm.
