Aransò se youn nan pwason gra yo plis peche nan moman an. Li se yon aran ki sale e ki sibi yon pwosesis nan preparasyon l ki rele fimaj. Pwosesis sa a detwi jèm mikwòb yo, seche l chanje koulè l ak odè l.
Se yon pwason yon moun ta dwe manje omwen 2 fwa nan yon semèn yon fason pou benefisye tou byenfè li genyen yo. Li chaje ak vitamin tankou vitamin B, A, D… Li gen yon sibstans ki rele omega 3 ki redwi risk maladi kè ak veso, maladi alzaymè, e l konbat depresyon … Aransò chaje ak yon seri eleman tou, tankou fosfò ki bon pou sante dan, zo,ak devlopman kò nou.
Poutan, gen kèk moun ki pa dwe manje aransò, tankou moun ki fè yon maladi ki rele gout ak sila yo ki soufri maladi tansyon wo yo.
