Nan dat 5 Jen 2023 a, nan kad WWDC ki se konferans anyël Apple la, Tim Cook, PDG Apple la te prezante premye kas miks yo a ki rele Apple Vision. Yon kas miks se yon kas ki gen ladan I alafwa reyalite vityèl ak reyalite ogmante. Konpayi Apple la prevwa mete kas sa a sou mache a nan Kòmansman lane 2024 la e lap koute 3499 dola ameriken san taks.
Kas sa a gen yon total 23 milyon piksèl. L ap soti ak pwòp sistèm eksplwatasyon pa I ki rele VisionOs. Pou w itilize kas la, ou pa p bezwen ni manèt ni gan, paske w ap ka kontwole tout bagay ak vwa w, mouvman je w epi jès ou yo. Li gen yon batri sou li, ki ap ka bay dezèdtan sèvis. Anplis, w ap ka konekte I ak yon klavye, souri, elatriye.
